هل نحن حقا جيل فاشل

بسم الله الرحمن الرحيـم

السلامو عليـكم ..

طبعن عندي موضوع وحابه انوا نتناقش فيه

كثيرا مانسمع هذه الايام الناس يقولون ان:
الزمان اتغير و ما عاد مثل الأول .....يا ليت أيام زمان ترجع ...
كانوا الناس اخوان ... وكل شي كان له طعم ...
الكلام هذا كثيرا نسمعه في مجالس الكبار ويشوفون أن هذا الجيل ما يصلح
لتحمل المسؤولية
وأن زماننا في كل أطرافه زمان لا يصلح للمعيشة وانه زمن الإتكال على
الغير ..
نسمعهم يتحسرون على أيامهم الماضية
ويصفوننا ويصفون زماننا بأمور غريبة
فهل نظرتهم صحيحة أم أنها جائرة ؟؟
وهل هم دوما محقين فيما يذهبون إليه ؟؟
وهل يخلو عصرنا من كل شيء جميل لهذه الدرجة التي يرونها ؟؟
اريد ان اسمع رئيكم بعقلانيه دون تعصب لزماننا
فهل فعلا نحن جيل فاشــــــل ؟

طبعن اتمني كل واحد يدخل يقولنا صح انوا جيلنا جيل فاشل بالرغم من توفر كل مقومات النجاح في الحيااه

والله انا عن نفسي احس ان هالجيل العن جيل مر وحيمر على البشر

شوفي كيف ايام اول وايام دحين

دحين من قوة الحسد حتى المطر ماينزل
اما اول كل شهرين وهو نازل مطر

آهـ ليت الزمن يرجع ,, << من قلب طالعه


::

شكراً ياكاتبة الموضوع << إتوهق بـ الاسم

السلام عليكم ^_^
انا اشوف انو نوعا ما الجيل اتغير عن اول للاسوأ لكن مو في كل شي ، اعتقد انو اول كان جيل جهل وهوا الجيل اللي كان فيلو الحسد والكلام دا كلو مو جيلنا دا غير انو الناس كانو يصدقو ويعملو اي شي بجهل شديد جدا عالاقل احنا دحين (وان كان اغلبنا فاشلين وهاملين وتافهين ومالهم اي هدف في الحياة) لكن عالاقل عالاقل عند بعضنا نظرة علمية في بعض الامور وما نصدق كل شي زي زمان ، زمان كان اللي يفهم واللي ما يفهم يتكلم في كل شي وما زال الحال دا في السعودية ولله الحمد بس برضو اخف من اول بكتيييير وبصراحة انا اشوف دا كلو كلام فاضي (ما اقصد الموضوع انستي بالعكس حلو موضوعك ويشرفني اقرا وارد فيه^_^ ) لكن قصدي انو خلاص بلاش من زمان اول وزمن دحين والكلام دا كلو خلونا نشوف واقعنا ونحاول نحسنو بعدين نفضى للكلام في ايام زمان والايام دي والفرق بينهم .
شكرا لكل مين شارك واسف عالتطويل ^_^ مع السلامة