القصه الحقيقيه لحادث الخليل مع الهيئه

السـلام عليكم ورحمة الله وبركاته
انا قريبة الشاب الي كان بيسوق السياره
طبعا مااخفي عليكم اهل المدينه وكيف ينقلوا ويحكوا ويطلعوا كلام مو صحيح لا ويزودوا بهارات من عندهم عشان يتحمسوا اكتر لاكن
الحكايه الحقيقيه ان الشاب التاني اتصل على صاحبه وقاله تعال نوصل قريبتي وبنتها لبيتهم في الخليل الام عمرها 40 والبنت عمرها 17 المهم بالطريق طاردتهم الهيئه اللعينه وصاروا يخبطوهم ويدخلوا عليهم بالسياره
المهم اختل توازن السياره وطاحت او انقلب وصار الي صار المهم والد الشاب الي كان يسوق طالب القصاص في الهيئه ولمن سألوا الهيئه ليش طاردتوهم قالوا شكينا فيهم انهم سكرانين وشرحوا الجثث الاربعه وطبعا ماهم سكرانين ولا شي وعزاء الشاب ده كان في الهجره في فيلا خلف البنك الراجحي ووالدتي راحت عزت
ومن جهه تانيه والد صاحبتي يشتغل في هيئة التحقيق والادعاء العام
وقال ان الحرمه كبيره ومعاها بنتها يعني لاهم بشكة عيال مع بنات ولا شي وقال كمان ان التحقيق جاري مع رجال الهيئه وبإذن الله بإذن الله راح ياخذوا جزائهم وقال ايش كبيرهم حق الهيئه زعلان قال ايش زعلان مايزعل على الارواح الي راحت هدر يزعل على عيال اكلبببببببببببببب الي ماعندهم خوف من الله امانه امانه ادعوا
ادعوا للي ماتوا والي قبلهم وقبلهم وادعوا معايا على رجال الهيئه وبالذات هدول اللهم ارنا فيهم عجائب قدرتك اللهم ارنا فيهم عجائب تعذيبك

انا حبيت اضيف على كلام الاخ الي نشر الخبر وجزاه الله خير الرجاء النشر

اول شي اقووولكم كيف حالكم وايش اخباركم وانشالله كلكم بخير,,, وحبيت اوريكم حاجة وربي منجد تبكي الواااااحد تخص بنت الحراااااااااااااااااااااام الي ماوراااااها احد الهيئة تحووولت من هيئة امر بالمعروووف والنهي عن المنكر
الى ملحمة للـدمـــاء والارهـــاب اصبحت ارواح النـــاس وســفك دمـائـهم امــر بسيــط بالنسـبة لهــم ولكـن واللهي ثـم واللهي ان الله عليم بما تفعلوووون يامن قتلتم ارواااح ناااااس متعمدين على ذلك , كل يوم نرى في الصحف مشاكل الهيئة من افعال وتصرفاااات صبيااانية تدل انهم صحييح من خريجي سجــون واصحاب قضايا مخدارات وحشيش ودعارة وكل شي وتصحبهـم حالات نفسـية ويقولك تعميم من وزارة الداخلية ممنوع انو الهيئة تطارد وممنوع تدخل كافيهااات وممنوع تدخل اسواااق
كلوووووووو كلااااام فاضي لا وزارة داخلية ولا بطيييييخ الحكووومة عندنا سايبة من بس ابو متعب ارجلهم والباقي كلو يبغا يمشي البلد بمزاااجووووو وعلى فكرة انا موظف في جريدة المدينة وباشرت الحادث بعد ما وصلنا بلاغ وروحنا انا واتنين من الاخوااان
واحد مصووور والتاني مصـور وانا طلبوووني اجي عشان استجد اي حاجة مايلاحظووووها ومنها اخد خبـرة المهم روحنا الموقع بسيارة اخونا الموظف وانا دحين في بالي انو حاجة بسيطة لكن واللهي لو تشووفو الي كان قداااامي تنصررررعووو
صراحتن واحد من اغمى علي ربع ساعة حسب وهوا معاااه السكـر لكن بحمد الله قدرنا نسيطر على انفسنـا لكن واللهي الي شووفتوو شي مو طبيييييعي شي يدوووووخ 4 اشخاص بينزفووووو دماااان في ارضية الشااااارع بنتييين وولديين اعمارهم شاب 23 والتاني 30 حاجة زي كدا وبنت 19 وحرمة كبيرة عمرها 40 او اكتر بس مني متأكد من الاعمار بالظبط تخيلووو ارواااحهم بتخرج قداااامي انا مني مصدق نفسي من المنظر المخيف
انا شخصياًَ غطيت وحدة بنت طبعن وجهها مو باين مشوووه مو باين منها اثر من قوة الحادث وانقلاب السيارة الي مزرعة بين النخل في منطقة الخليل في المدينة المنورة الساعة 9 والنصف صبـاحـاً ,3 ماتو قدام عيوووني وبقي واحد عمرو 30 نزيف الين ما
جات الاسعاف واخدتو وانا وواحد من الموظفين وراهم الين ما وصلنا مستشفى الملك فهـد دخلووه على الانعاش تنفس اصطناعي لمدة 45 دقيقة وبعدها اتوفى الله يرحموووو ويغفرلوووو وطبعن قابلنا هناااك شهود عيان قالووو انهم شافو جيب هيئة عيال حررررام مسرعيييييين راجعين عالبلد واخدو رقم اللووحة ولون السيارة رقم اللوحة اعتقد 915 ص ط س لونو ابيض بس مني متأكد من رقم اللوحة المهم رجعنا الدوااام وبدأت التحريااات حقتنا واتصالاتنا نبغا نعرف عنهم اكتر واكتر عشان ننزل الخبر بكرة في الجريدة
وجالسييين نستنى بيان من الزفت الخرة الهيئة الين ماوصل بيانهم يوضحووو انهم مالهم اي علاقة وانكروووو كل شي وهما كانو رايحيين لمنطقة اسمها البيضة منتزه بري كجوولة اعتيادية لكن ربك ماينسى احد شوف غبائهم لفين وصل اثبتو انهم كانو في نفس موقع
الحادث وشافوووو الحادث ما سوو شي طيب انتو هيئة امر بالمعرووف اين الانسانيـــة الي انتوووو تتكلمو عنها وما عرفتوووها الا بعد ما دفوووكم في وظيفة اسمها هيئة الامر بالمعروووف وهيا ااصلن ماهي وظيفة ولا شي بس مجرد عشان يبعدوووهم عن الحشيش والمخدرات والزنا الي هما كانوووو عايشييين فيها ووخلقة ما بتنصرفلهم رواااااتب الا فين وفين لكن بإذن الله ربنا يبلييييييهم بلووووووة ما يعلم بيها احد يارب بجاه سيدنا محمد وعلى فكرة قبضو على جيب الهيئة لكن وراهم ضهر عيال الكلب حيخرجو من الموضوع زي الشعرة من العجييينة ولا كأنهم سوووو شي زي الي قبلهم . واكيييد سمعتووو عن الي ماتو في تبوك قبل اسبوعين بالتحديد برضو من مطاردة هيئة وبرضووووو مازال مسلسل مطاردة الهيئة في نطاااااق الحرية ولا احد وراااااهم .
ياناس شوووفووولنا حل في القرف دا وربي حياة مملة كل يوم كل يوم هيئة كأنهم مباحث سرية . لكن ما اقول غير حسبيا الله ونعم الوكيل فيكم من اولكم للاخركم من التويجري الين اصغر واحد فيهم .
ترى الحادث صار اليوم الصباح الساعة 9 ونص صبـاحاُ يوم الاتنين تاريخ 31 /03 /2008 م يعني انا نزلت الخبر قبل الجرايد وشكــــــــــــــــررررا

اختكم رووعه

من طرف بـيـبـرس السبت مايو 31, 2008 8:15 am

تسلمي على توضيحك وماصير بتدعي كدا هدول مهما كان مسلمين يا اختي ومو كل الي في الهيئه زيهم واللهي انا صارلي موقف مع الهيئه وبرضو ورى بنك الراجحي عند المدرسه كنت رايح اودي بحث عن بـيـبرس لأختي في المدرسه ومسكني حق الهيئه > كان متكشخ على الاخر ههه بس واللهي اخد وادا معايا وكان مرا متفاهم بس حبيت اديك وجهة نظري واتركلك الباقي تقبلو مروري

من طرف حبيب العمر الأحد يونيو 01, 2008 9:49 pm

اول شي الله يرحمهم ويرحم اموات المسلمين طبعا انا القصة الي وصلتني برضو نفس هاذي القصة وجاتني من طرف زوج المرأة ووالد الطفلة المتوفيات الله يرحمهم اجمعين والقصة الي قالها ليا نفس ذي القصة انو عمر خوجة الله يرحمه دق على صاحبه حمزة الله يرحمه وقله تعال ابغا اوصل صاحبة امي او قريبتها الي هيا الحرمة وبنتها الله يرحمهم اجمعين

وبالنسبة للهيئة ياهو والله صاحبت مطاوعة بس اللحية ديكور وربي انهم عرابدة وعرابجة لا المطوع يغنيلك ابو صالح سرى ليلة والله حالة والا اعرف واحد مطوع يدرس قرأن ويناقش معايا على المقامات الموسيقية الصبا والحجاز والرصد والبيات والله حركات مطاوعة اخر زمن بس مربين اللحية مظهر وفائدة والقلب أسود نفاق في نفاق والله لو اني اسوي فيها مطوع وامشي مع الشيوخ عزالله يزوجوني اربع حريم ههههههههههههه وانا اسوي الي يعجبني من وراهم والله حالة

وبالنسبة للهيئة والله لهم فوائد واشياء حلوة لكن يبطلو المطاردات ( لا يكثرو من ام بي سي اكشن ) ويتحمسو يطاردو خلق الله على اتفه شبها ياخي اعطي بلاغ والشرطة السرية جايبتهم جايبتهم وبعدين للاسف انهم مايتحاسبو قضائيا يعني فوق القانون تقول انهم امراء والا ملوك وللاسف كل ما اعترضت على الافعال السيئة للهيئة نقزو عليك المطاوعة ياكافر ياعلماني يافاسق تكره الهيئة لانها قاعدة فوق راسك وماهي مخليتك تسوي المنكرات ما اختلفنا لكن الهيءة عندهم اخطاء ولا نحطهم بمنزلة الملائكة او الانبياء بانهم ناس تخاف الله وماتخطي وماتستغل منصبها لأغراض مسيئة

اقول الله يصلح الاحوال والنفوس ويرشد ولاة امورنا للهيئة واصلاح الاخطاء التي تقع فيها وجلب شباب مثقفين وعلى علم بالطريقة الصحيحة بالامر بالمعروف والنهي عن المنكر

تقبلو مروري واشكرك اختي روووعة على الموضوع

من طرف **روعة المدينة** الجمعة يونيو 27, 2008 1:42 pm

هادا حال الزمن يااخي ... شوف الغلط من الهيئه وقول صح ..

بس ان نفسي مستحيل اسكت ...... ايش الناس دي

اشكرك اخي ع المرور ونورتني

اختك

من طرف رغوده الخميس يوليو 17, 2008 11:35 pm

الله يرحم اموات المسلمين
وانا صراحه اشوف الهيئه لهاا فايده والله على الاقل البناات الي حالتهن حاله امكن لمن يشوفوفهم يبطلووو المسخره
وبعدين على موضوع المطااردات اشوف انو مالهاا داعي حتى لو شافو بنت ولد هم حرين كل واحد عقلوو في راسوو وعلى حسب التربيه يعني ماايبغوهم يروح شقق ولا يروحوو مطاعم يقطعوو نفسهم الله يعينهم على نفسهم
وانا اقولك ياروعه لاتعصبي ولا تزعلي اسااساا في منهم تلاقي يقولك احتشمي ومنتي عارفه فين عيونوو ولا تلاقيه يغني ولا ماسك جوالوو وفاتح البلوتوث والي يضحك كاتب لاحول ولاقوه الابالله انت ايش تبغ في حياتك
المهم ماااقول غير الله يهدي الجميع ويعطيك العافيه ياروعه على الموضووع

القصه الحقيقيه لحادث الخليل مع الهيئه

القصه الحقيقيه لحادث الخليل مع الهيئه

رد: القصه الحقيقيه لحادث الخليل مع الهيئه

رد: القصه الحقيقيه لحادث الخليل مع الهيئه

رد: القصه الحقيقيه لحادث الخليل مع الهيئه

رد: القصه الحقيقيه لحادث الخليل مع الهيئه