هل حب الفتاة خيانة لأهلها؟

هل حب الفتاة خيانة لأهلها؟

أخواني .. أخواتي ..
أتمنى من الكل المشاركة في الموضوع ..

لما يحب شاب بنت معينة وصارح أهله أو أصحابو بهالحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تسير خاينه لأهلها ..
و ما تقدر تصارح حد إلا صحبتها المقربه و مو دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم ..

تحياتي لكم

من طرف Crazy girl الإثنين ديسمبر 31, 2007 3:34 am

هل الحب الشريف في مجتمعنا عيب كبير ؟؟!!

الا مررررره عيب كانك قتلتي يقولولك هذا شرف ومدري ايش وتاخدي علقه
محترمه ولكن الولد عادي كأنو ماسوا شي هوا حر

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
مو من حق البنت لكن من حق الولد يقولو هدي عادتنا وتقاليدنا

هل عاداتنا تسمح للرجل أن يحب
ايوا عادي هوا رجال التقاليد تقول كدا
و لا تسمح للمرأة أن تحب ؟؟!!
ايوا المراه شرف وعرض اهلها على قولتهم

مشكوره على الموضوع

من طرف Hazomi الإثنين ديسمبر 31, 2007 1:21 pm

أنا بصراحه أشوف الكلام إلي قالتو Crazy girl

كلام صحيح بس مو كلو

وشكرا خيتو على الموضوع

من طرف *سوسو* الإثنين ديسمبر 31, 2007 2:56 pm

الأول ؟؟
هل الحب الشريف في مجتمعنا عيب كبير ؟؟!!
ايوا طبعا من اكبر العيوب لانو الناس اصلا هادي الايام مايفرقو بين الطيب والبطال
تقولي حب يجي بالهم شي بطاال

الثاني ؟؟
هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
من حق الشاب مو انه يحب بس لا
الشاب مرره عادي لما يخاوي له مليون وحده
ويكلم الف وحده
ويتعرف على نص بنات البلد
عاااااادي مرره عادي للاسف الشديد
وتلاقي امه وابوه يووه فرحانين بيه
لكن البنت لو حبت حب شريف
وطبعا الحب مو بيدها
قلبها هيا ماراح تتحكم فيه
تصير مصيبه وعار وفضيييحه
وهادا كله بسبب التخلف

الثالث و الأخير ؟؟
هل عاداتنا تسمح للرجل أن يحب
و لا تسمح للمرأة أن تحب ؟؟!!
بصراحه العادان مرررره تسمح للرجل
وتقتل البنت لو دريت انها تحب
بس طبعا الدين يحرم الاتنين
لا المراه ولا الرجل

وطبعا لسه الدنيا بخيير
وكل شي فيه الطيب وفي البطال

عذرا خيتو عالاطاله
ولو انه في خاطري كلام اكتر من كدا
على دا الموضوع
بس خلاص اللي كتبته يكفي

تقبلي مروري ياعسوووله

تسلمووووو حبايبي على صراحتكوم ومروركوم العسل ^^

لأول ؟؟

هل الحب الشريف في مجتمعنا عيب كبير ؟؟!!

نعم عيب كبير ولكن شخصيـا لااعلم لماذا !!

الثاني ؟؟
هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

في مجتمعنا نعم..بسبب العادات والتقاليــد ( المتخلفه) التي تبيح للشاب ان يفضـح عن حبه بكل ثقه وللفتــاه أن (تداريه) وكأنه جريمه

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

سمحت ام لم تسمح فالجميـــع لديه قلب ومشاعر سواء الرجل او المرأه

هناك سؤال اخر طرحتيه واحب ان اجيب عليه

هل حب الفتاة خيانة لأهلها؟

على حسب هذا الحب

اذا كان حب شريف ونيه صافيــه بغرض الزواج فـهي ستتزوج وتشرف اهلها

اما اذا كان حب (صداقه) بغرض التسليه والمتعه فهو بطبع خيــانه

سلمتي غاليتي على الطرح الموفـق

في إنتظار المزيــــد

دُمـــــــــــــــــــتـي

سلميـ ياعسل ع الرأي

احترمـ وجهة نظركـ ياقمر

نورتيـ الصفحهـ

هل الحب الشريف في مجتمعنا عيب كبير ؟؟!!
الحب الشريف يبقى شريف
وفي مجتمعنا لا احد يعترف بذلك

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
الحب والماشاعر ليس ملك لاحد والحب الحقيقي يبقى سر بين 2 فقط

هل عاداتنا تسمح للرجل أن يحب
و لا تسمح للمرأة أن تحب ؟؟!!

العادات والتقاليد ومن دا الكلام طبعن ضد الحب
لاكن وكما قلت الحب والمشاعر ليست في يدنا فنحن لانستطيع ان نتحكم بهااا
فإزا حبت الفتاه بالطريقه الصحيحه فإنها ليست خائنه
اشكرك ع المووضووع عزيزتي

يسلموو ياعسل ع الطله الحلوا ^^

من طرف رغوده الخميس فبراير 21, 2008 4:06 am

هل الحب الشريف في مجتمعنا عيب كبير ؟؟!!
في مجتمعنا ال ال ال عيب ويقوولو فين احنا في امريكا وقلت ادب وشي مندا القبيل
هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
عند الشباب تلاقي اغلب الناااس يشووفو عاادي وتلاقيهم يقوولو طيش شبااب بكره يعقل ونخطبلو بنت الحلال

هل عاداتنا تسمح للرجل أن يحب
و لا تسمح للمرأة أن تحب ؟؟!!
هو مسموح لي الطرفين بس العياال راح يقوولو لي ماما وي يااولدي بلاهي مين هي

البنت بي الدسدسه والخشخشه يقووولو لي ماما الله يااخدك تبغي تفضحينا
الكلااام كلووو دا بيسير لا انو كتير فضاايح بتسير لي البناات من دي الموضيع فا عشاان كده الاهل يعتبروو غلط لي البنااات وبعدين اغلبيه الزووواج الي زي كده ماينجح
والاخيررر العااادات والتقاااليد هي الي تحكمناااا

من طرف sweet angel الثلاثاء مارس 18, 2008 3:49 pm

كلامك حلو وصح الحب مو عيب بس مجتمعنا مجتمع معقد ولا الحب شي حلو والولد مو زي البنت .. الولد عندو مجال واسع بس البنت مجالاتها محصورة والسبب مجتمعنا وتقاليدنا تقول البنت مو زي الولد (البنت غييييييييييييييييييييييييييييير) مسكينه البنت ياقلبي عليها Sad