فوق راسي هموم الدنيا كلها

من طرف **ToP FeeL** الأربعاء ديسمبر 26, 2007 4:07 am

سلااااااامزكيفكوووم
اخباركوووم؟
عاملين ايه

المهم
اللي خلاني اكتب دا الموضوع انو كل مااقابل احد سؤاء كان صغير ولا كبير
الاقيه يقوووول (( يووه ياشيخه انا فوق راسي هموم الدنيا كلها ))
انا حفظتها دي الجمله
واحيانا تلاقي ناس صغاار يعني اعمارهم 14 و 15 يقولوا والله نفسي انتحر
يعني اللي بيقولوا كدا نادرا ماتلاقيهم من جد مهمومين وعندهم مشااكل
يعني يمكن كلها مشكلة مشكلتين غالبا تكون وهميه وتاني حاجه استغربت منها انو اللي من جد كبير و فوق راسو مشاكل وهموم ودنيا لمن تسألوه يقووول (( لامافيا شي خليها ع الله))

وفدا الموضوع نبا نناقش:
ايش الاسباب اللي تخلي كل شخص يتخيل انو حالتو حاله؟
او انو بيقول كدا عشان يلفت الانتباه؟
او انو عندو صح كم مشكله بس هوا عامل من الحبه قبه؟
او ....
او ..........

يعني في كم سبب يخلي الواحد يقووول كدا
يلا نستنا ارائكم ومشاركاتكم

من طرف بيلسان الأحد ديسمبر 30, 2007 3:15 am

من جد دا الشي انا برضو بلاحظو

بس الي يشوف مصيبه غيرو تهون عليه مصيبتو

يعني الواحد استحاله انو يتوقع حياتو كلها حتكون زي مايبغى

فتلاقيه قابلتو واعترضت احلامو مشكله او رفض وخلاها هموم

يمكن يكون متضايق مكتئب بس ماتوصل انو يحسس نفسو انو شايل هموم الدونيا

ازا هوا كدا كيف الناس يالطيف الفقرا الي مايلاقو لقمه او بيت يلمهم او المرضى الي حالتهم بالهم

هدول الناس تلاقيهم بالعكس مبسوطين وعايشين حياتهم

ومابلتفتو لهمومهم وبيحاولو يعالجوها بالصبر ويحتسبو الاجر عن الله

فلازم نحمد ربنا على كل شي والواحد لايجلس يتوهم انو عندو مصايب عشان ربنا لايبليه

وفي ناس برضو بيدعو الهموم لانو يحبو دايمن يتقمصو شكل الانسان المهموم الحزين

يسلموو ياعسوله على الطرح الرائع

ومعليش كترت كلام

والله يبعد عننا الهموم والاحزان

من طرف *سوسو* الأحد ديسمبر 30, 2007 5:50 am

ايش الاسباب اللي تخلي كل شخص يتخيل انو حالتو حاله؟
اول شي ضعف الوازع الديني هوا هادا اهم شي
لانو كل اللي يسوي كدا ايمانه بالله ضعيف

او انو بيقول كدا عشان يلفت الانتباه؟
لا مو عشان لفت انتباه
هوا فعلا حاسس انه عندو هموم بس لو سالناه ايش هيا
تطلع توافه
ويمكن مايقدر يحددها

او انو عندو صح كم مشكله بس هوا عامل من الحبه قبه؟
ايوا فعلا يسوي من الحبه قببه

ولو عالكبار اللي من جد عندهم بلاوي الدنيا

ويقولو مستورة والحمد لله

لانو ايمانهم بالله قوي

والدنيا مالها قيمه عندهم

عذرا عالاطاله
تقبلي مروري

من طرف **جنان الكون** الأحد ديسمبر 30, 2007 4:56 pm

اهلا فيكي
ToP FeeL

حـ ادخل في الموضوع على طول

~~رأي~~

بالنسبـه للمراهقين هدي حاله مؤقتـه يمرو فيها ومع الوقت يكبرو ويضحكو على نفسهم

لان في دي الفتره معرووف انو الانسان يكون حساس بزياده

ومشاعره (متخبطـه) مايحس بإستقرار نفسي

ممكن اي شي يأثر عليه

اعتقد عشان كدا بيقولو انو عندي هموم ومشاكل وهيا اشيـاء عاديه ماتستاهل

اما الكبــار خلاص يكونو (تعـبــوا ) في الحيــاه واتعلمو وعرفو معنى الصبـر

اشكرك ياعسل ع الموضوع الاكثر من رائع

ويكفي انو من كتابتك الشخصيـه وافكارك الخنفشاريه

دُمـــــــــــــــــــــتي

من طرف 5alelo 5alelo0oh الإثنين ديسمبر 31, 2007 12:02 am

تسلمي على الموضوع هذا بس من وجهة نظري هذي الكلمه صارت عادة ماتنقال باي مكان يعني لو واحد طلب من شخص طلب تلقي الرد بتاعه على طول والله مشغول والله هموم الدنيا كلها فوق راسي يعين الكلمه صارت متوارثه مع الكل زي المسلسلات المصرية مايجي مسلسل الا وفيه قصص حب بصراحه هالتشبيه هو المناسب لهلكلمه وان شاءالله يعجبك ردي واسف عالاطاله ودمتي دخرا لنا وبمواضيعك الخنفشاريه على قولت جنان سلملم

فوق راسي هموم الدنيا كلها

فوق راسي هموم الدنيا كلها

رد: فوق راسي هموم الدنيا كلها

رد: فوق راسي هموم الدنيا كلها

رد: فوق راسي هموم الدنيا كلها

رد: فوق راسي هموم الدنيا كلها