لماذا يعشق بعض الشباب فضيحة البنت؟؟؟

من طرف رغوده الأربعاء فبراير 13, 2008 4:16 pm

لماذا يعشق بعض الشباب فضيحة البنت؟؟؟

السلام عليكم ورحمة الله وبركاته........

نتفق جميعا ان العلاقات الغير شرعية هي علاقات محرمة

ونحذر الشباب و الفتيات لعاقبة أمرها

ودائما نسمع عن قصص لبنات انتهت حياتهن وهن في اماكن سيئة او فضحت فضيحة نكراء من

قبل من وثقت به ربما يكون بسبب انتقام لأنها لم تجبه لرغباته

او ربما لأنه هذا هدفه مع البنات عموما

لكن لماذا بعض الشباب المبتلين بالعلاقات المحرمة مع البنات

لماذا يعشقون فضيحتهم؟؟

لماذا لا يستر على نفسه و يستر عليها ربما يهديها الله سبحانه وتتوب عن هذه الامور؟

ثم لا ننسى ان من ستر على مؤمن ستر الله عليه

وان الله لا يحب المجاهرين بالمعاصي وهذه من المجاهرة

...

آمل ان اجد اجابة من الجميع

لماذا الشاب بعد ان يستدرج البنت يقوم بتهديها ثم فضحها؟

لا نستطيع ان ننكر ان مثل هذه الامور تحدث في مجتمعنا

لدرجة انها اصبحت ظاهرة.

لعلنا من خلال مناقشتنا لهذه الظاهرة يفكر الشاب المبتلى بهذه الامور

وتتضح الصورة له من جميع الزوايا

شاركونا بارائكم
منقووول

باختصار

هادا يرجع لتربية الولد

ومو كل الاولاد زي بعض

في الطيب وفي البطال

وشكرا عالنقاش الحلو

اختك

من طرف MoOoKa الأربعاء فبراير 13, 2008 6:45 pm

لكن لماذا بعض الشباب المبتلين بالعلاقات المحرمة مع البنات
لماذا يعشقون فضيحتهم؟؟

هدولا الا يبغو يتسلو لكن الا يحب من جد عمرو مايفضح البنت ويخاف عليها
وغير كدا زي ماقالت اختي روعـه بسبب التربيه قلة الرقابه

لماذا لا يستر على نفسه و يستر عليها ربما يهديها الله سبحانه وتتوب عن هذه الامور؟

هدا الا المفروض يسير لكن مين يسمع

اختي خبلة اللونا في شي نفسي اقولو ليه كل الناس اخدين دي الفكره عن الشباب ؟؟

صحيح انو كتير منهم بيسوو كدا لكن والله في اولاد الحلال ووالا يخافو على بنات الناس

نفسي تشيلو دي الفكره من بالكم لانو بننظلم منها كتير

اشكرك على الموضوع الواقعي

ولي عودهـ

تحيــــــــــــــــــــــاتي ^^

من طرف رغوده الأربعاء فبراير 13, 2008 7:56 pm

يسلمو يا المالك الحزين على مشاركتك في الموضوع
هدا الا المفروض يسير لكن مين يسمع
حتى انت قلت انت ايش رايك بي العقليه المتخلفه دي
وصح كلامك انت وروعه على حسب التربيه
بس من جد منتشر الشي دا وانا طرحتو من موضوع سمععتو بس لايقولكم عقلكم انو سار فيه لا والله
بس الحل دحين كيف نلاقي حل لي الناس دي scratch

من طرف **جنان الكون** الخميس فبراير 14, 2008 12:11 am

خبلة اللونــا

الشاب غالبا يفضح البنت اذا كان يبغا منها شي

يعني يطلب منها طلب ويهددها بصورها او رقمها واذا مانفذتو يقوم يفضحها

عشان كدا البنات ليش اصلا يفتحو لنفسهم هدا الباب ؟

انا عن نفسي احط 50% الغلط على البنت

هدا طبعا مايمنع انو 50% كمان على الولد

لانه حتى لو البنت ماتخاف الله المفروض هوا يستر عليها ويبعد عن الطريق هدا وعن المشاكل

بس فين تلاقي شباب زي كدا في مجتمعنا

أغلبهم عقليات ( ياربـ لك الحمد ) يستمتعو بهدا الشي

مافي حل الا انو ينزل قانون اي ولد يفضح بنت عقوبته الاعدام شنقا

<< إيش رأيك بس

تسلمي ياعسل ع الموضوع الخطير

دُمـــــــــــــــــــتي

من طرف حبيب العمر الخميس فبراير 14, 2008 12:46 pm

شي بسيط يرجع الشي على اخلاق الولد او البنت ممكن يكون الولد معقد فيتعرف على بنت فترة ويمسك عليها زلة وهيا حضرتها تسحب عليه سحبة بطالة الولد يتجنن كيف تسحب عليا والله لاوريها واول شي يسويه يدخل منتدى وينزل فضيحتها وتمرمط البنت ياحرام وهوا يضحك بوجهو ونسي انو عندو اخوات

وفي بنات برضو نفس الهرجة ماسكة على ولد زلة ويوم يسحب عليها سحبة بطالة تتجنن كيف يسحب عليا من هوا فتقوم تجيبلو مشكلة باي طريقة ممكن والمسكين يافرحة امو فيه ورط نفسو هههههههه

وبعدين مو كل الشباب والبنات زي كذا

تحياتي لكم

من طرف رغوده الجمعة فبراير 15, 2008 3:22 pm

[[وفي بنات برضو نفس الهرجة ماسكة على ولد زلة ويوم يسحب عليها سحبة بطالة تتجنن كيف يسحب عليا من هوا فتقوم تجيبلو مشكلة باي طريقة ممكن والمسكين يافرحة امو فيه ورط نفسو هههههههه

الولد قد مانفضح ماراح يجي زي البنت وانتو تلاحظو في القرى لمن البنت تنفضح يقومو يسولها الاعدام شنقااا
وجنان صادقه على موضوع الاعدام عشان يسير في تساوي في الاعدام هههههههههههههههههه
ويسلممو guitaristوجنان على مشااركتكم الحلووه afro

[/size][/size]

من طرف *سوسو* الأربعاء فبراير 20, 2008 3:21 am

اول شي موضوع مررره حلو لنقاش

وتانيا اعتقد اللي قبلو قالو كل حاجة ابتادا بروعة يعني فعلا

يرجع لتربيتهم والبيئه اللي هما فيها

وللاسف للاسف عندنا لما نسمع انو الولد عندو صاحباات عااااااااادي

واهله مرره فرحانبن بولدهم انه فله وكدا

لكن البنت لا يكسرو رقبتها ويقصفو عمرها

فمن هنا نقول انو الشباب ليش يسوو كدا

عشان ضامنين هما مااح ينوبهم شي من دي الفضيحه

وعلى قولهم الرجال مايعيبه الا جيبه

وطبعا هادا مايمنع انو يكونو في اولاد حلال كتيرين

وانو لسه الدنيا بخير

ومشكوره خبووله عالطرح المميز دا

تقبلي مروري

من طرف رغوده الخميس فبراير 21, 2008 3:57 am

اللع يعطيكم العااافيه ويسلموووو على مروووركم الحلوو وكرررووو الزياارات في مو ضوعااتي لا تقطعوونا وجيبو البزوووره يونسونا وااااااااااااااااك

من طرف Philosopher الإثنين مارس 03, 2008 1:25 pm

بالحقيقه موضوع ممتاز واحب اشارك بيه برأي

بالحقيقه الظاهره هذي منتشره بين الشباب بشكل رهيب

تلتقي الولد يتفاااخر ويدق على البنت قدام اصحابو ويسمعهم صوتها

ودا كلووو عشان يوري اصحابو انو الولد اللي مامنو اللي معذب قلوب العذارى

وهذا الشي ينتج عن سبب رئيسي الا وهوا خلل في شخصية الشاب

والفراغ والنقص الكبير الموجود لدى الشاب

فتجدو الشاب غير واثق بنفسه او يرى انو غير الشباب كلهم وانو اقل منهم

فبيعمل دا الشي كي يملاء الفراغ والنقص اللي موجود بداخلو

ويعود ذالك لشلل التفكير الموجود بعقلو المسكين

وبإعتقادو انو وصل لقمة الرجوله بعمله المشين

وكأنو نسى انو عندو اخوات وقريبات

ونسى ان الله يمهل ولا يهمل وانهو كما تودين تودان

وأنو بنات الناس مو لعبه يتفاخر بيها ويعلب بيها

وإذا كان المجتمع بيساعد الشاب على فعل عملو المشين

فلا تنسو ان الله فوق كل المجتمعات والكون بأسره

فلا يضيع حق عند رب العباد
.
.
.
.
.

والف شكر ليكي اختي ع الموضوع الجميل

ولا يحرمنا من هيك مواضيع

ولكي احترامي,,,,,

من طرف Tom Cruise السبت مارس 08, 2008 1:20 pm

انا اقول لكل بنت يصير فيها زي كده تستاهل
وان شاء الله يارب ابوها يكفشها ويديها علقه تبطل تكلم فيها شاب والاولى لها تصلي كل يوم
وتدعي ربنا انه يرزقها ابن الحلال وهيا في موضع السجود احسن من انها تكلم كل يوم واحد
وزي ما قالت جنان بلاش تفتح على نفسها باب من البداية اصلن

وشكرا على الموضوع

من طرف رغوده الأربعاء مارس 12, 2008 8:40 pm

يسلمووووووووووووو على ردك Tom Cruise الي يخلي الواحد حتى لو بدو ينحرف يبطل ويطيك العافيه على مرورك ولاتقطعونااا
وجيبو البزووره ههههههههههههههههه

من طرف توووووووووته الخميس مارس 13, 2008 10:20 pm

والله موضوع شي يعطيكي العافيه خبوووووووووووله
بصراحه الكلام موبس عالشاب الغلط يطول البنت كمان في بنات
هما يحطو نفسهم فموقف زي كدا قال اش عندها ضغوط وممكن تشكيلو ويسمعها
تقول احبووو
Evil or Very Mad

بس هادا مايبري الشباب وموكل الشباب بس اغلبهم الشر يعم والخير يخص
ولااا Twisted Evil

يتسلو بالبنات وبعدين يفضحوها اذا ماحققت رغباتهم
وكمان يرجع للبيئه والاهل والمجتمع الي عايشين فيه
يسللللللللللللللللللللللللللمو
توووووووووووووووته

من طرف **MaJiNSoSo** الخميس مارس 13, 2008 10:47 pm

السلامـ عليكمـ

انا بصراحة شهدت هادا الشي وانا قاعد في مكاني يوم جاني صاحبي وقلي انا راح اعطيك رقمين وابغاك تنشرهم

قتلو رقمين لمين قالي لبنتين قتلو طيب ليه قلي هدول كل ما اتصل عليهم يقولولي احنا ما نكلم عيال وكدا

فالشاهد من الموضوع انو الشباب اغلبهم يعني يسوو كدا عشانهم مقهورين من البنات لانهم ما لبوا رغبتهم او طلباتهم

والاسباب من كل شاب لشاب تختلف باختلاف الظروف

فمثلا اذا شاب حب بنت واكتشف انها بتكلم واحد تاني فراح ينشر رقمها او يفضحها لسبب واضح وهوا الخيانة

فالاسباب تتعد في دا الموضوع

وانا برايي الحل هوا مبدا الحوار اللي بصراحة مفقود في مجتمعنا بشكل فظيع جدا

انا اعطيكم مثال خارج عن الموضوع معليش لكن يوضح المقصود من مبدا الحوار

دحين لو واحد في الشارع طل في رجال تاني بس طل في كدا فعلى طول التاني يقلو ايش فيك تطل والاول يقلو ولا شي بس كدا مثلا وتبدا المشاحنة من دون اي سبب وكلو بسبب نظرة طبيعية

فالشاهد من القول انو ما عندنا شي اسمو حوار فلو اعطا للرجال ابتسامة وقلو السلام عليكم كان والله يمكن ساروا اصحاب حتى

والسبب في دا يرجع للتربية فاذا الواحد ما اتربا على انو يتحاور اولا كيف راح يتعلم

لكن هادا ما يخلينا خلاص نوقف عند دا المتسوى لا بالعكس نبني مهارات الحوار عندنا اكتر واكتر

وبعدها بكل بساطة الولد بدال ما يفضح ومهما كان غضبو مثلا راح يتكلم مع البنت ويصارحها وهيا تصارحوا ويكون في شوية ود وتنتهي المشكلة بحل لكلا الطرفين

واتمنى تكون الصورة واضحة...

تشااو..

من طرف ليمووونييتا الجمعة مارس 14, 2008 7:30 am

انا من وجهة نظري انوو اول سبب ويحتل المركز الاول بجدااارة قلة الدين اللي سايرة

لانو لو الواحد عندو دين اولا حيربي اولادو عليها

ومن الطبيعي لما بتربو الاولاد والبنات على الشي من المستحيل انو يكون في من المشاكل اللي في دي الايام سايرة زي سلامو عليكم
حتقولولي حتى لو دينو مزبوط ومو محلحل في الشيطان انا معاكم في الشيطان بس برضو اذا الواحد كان اساسو طيب لازم في يوم من الايام حيرجع ويتوب لربوا ويعرف الطريق الصح لكن اللي ماعندو لاتربية طيبة ولادين صاحي ولا عمرو حيفوق لنفسو وحيستمر الين نهاية حياتو في القذارة اللي هوا فيها فيعني انا اشوف اسبب الوحيد هوا قة الدين

ويسلموو الايادي على الموضوع الحلوو دا

تحياتي
ليموونييتا

من طرف sweet angel الثلاثاء مارس 18, 2008 2:53 pm

تسلمي حبيبتي على الموضوع الحلو وبعدين زي ماقالو ترجع على تربية الولد واخلاقو الدنيا لسه بخير وكتير اولاد الحلال بس (الشر يعم والخير يخص) وانا عن نفسي احس الاولاد الي زي كدا مريضين ويكون غرضوا من البدايه واضح والا ماكان سوا كدا ............................. مرسي

لماذا يعشق بعض الشباب فضيحة البنت؟؟؟

لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟

رد: لماذا يعشق بعض الشباب فضيحة البنت؟؟؟