العنصريه))موضوع مهم ياريت كل واحد يدخل ويناقش

من طرف بائع الورد الإثنين أكتوبر 29, 2007 3:10 am

سلام شباب وبنات ..
كيفكم ...؟

انا عندي اليوم موضوع مرا حساس ومنتشر بشكل مو طبيعي بين الناس ...
العنصريه ...
يعني لمن يشوفو شبابنا واحد من الرياض او من الشمال او يكون بشكل خاص ولد قبيله او انو بدوي ... نقول عليه صربي ... ولا اهل الرياض والشمال يشوفو حجازي يقولو طرش ولا اهل الرياض والبدو يقول على اهل الجنوب يمنين ...
ليه يعني مو كلنا سعوديين ... احنا شعب واحد وهدا الشي ينبسط عليه ناس كتير من برا وخاصـة الحاقدين على السعودية يحبو يشوفو العنصريه بيننا
.. سواء كونت حجازي او نجدي او جنوبي او شمالي او شرقي كل واحد يفتخر فاصلو والواحد يكون باخلاقو مو باصلو ,,, هدا رأي في الهرجه
... ياريت اشوف كل واحد يقول الكلام اللي عندو و ايش حل المشكله دي ...ياريت تشاركوني برأيكم... نستنا ردودكم ...

من طرف **جنان الكون** السبت ديسمبر 22, 2007 4:27 pm

للأسف العنصريه سببها انو الناس سارت تهتم بـ (توافه الأمور) يعني مايهتمو بالأخلاق والادب والتربيـــه

اهم شي ايش اصلك وايش ترجــــع

حل المشكله

انو كل واحد يحط كلام الله في اعتباره
(ان اكرمكم عند الله اتقاكم )

ويقتدي بالرســـول الا نهى عن العصبيــه القبليه
ويشوف الصحابه والتابعين كيف كانو

حتى اهل المملكه زمااان ماكنت فيهم هدي الصفات كانو يكرمو الضيف سواء جا من الجنوب او الشمال

ماعندهم تفرقـــه

لكن في عصرنا انتشرت الفتن الله يكفينا شرها

بائـع الورد

موضوع جامد ويستحق النقــاش

تميز الموضوع لانه من كتابتك الشخصيه

يعطيك الف عافيه

وانتظر جديدك

دُمـــــــــــــــــــــــــــت

من طرف **ToP FeeL** السبت ديسمبر 22, 2007 11:33 pm

ياليت بس انو يتكلموا على بعض

للاسف ساروا حاقدين على بعض

ولا كأنوا مسلم زيي زيو او سعودي ومن نفس بلدي...

يعني حاجه تافه زي كدا مني عارفه ليش الواحد يهتم بيها

وتسلم بائع ع الموضوع

السلاموو عليكم

اخويا اشكرك ع المووضووع الرااائع

واحب ان احكي لكم هذه القصه الواقيعيه التي حدثت لأحد اقارب أمي
وأريد ان تنااقشوني في هذه التفرقه العنصريه التي أدت الى الكراهيه والاحقاد بينا نحن المسلمون
الذي ديننا واحد ولا فرق بين حضري ولا بدوي ولا اي جنس من الاجناس ايلا بالتقوى

اليكم اعزائــــــــــــــــــــــي القصه

المكااان عند مشفى الملك فهد هنا في المدينه المنوره
كانو هناك اولاد بيلعبوووو كره قدم في الشارع فمرت سياااره فجاات الكره ع السياره
جنب السياره وخرج الرجل وكان كبير في السن يعني ع الاربعين ومريض بالقلب وعنده اطفال
وكاان معاه صديقه
المهم
خرج وكلم الولد وللمعلوميه عمر الاولاد يلي بيلعبو لا يقل عن 17 سنه
قالو يا ابني لاتلعبوا في الشارع كدا غلط وبينصحوووو
قام الولد بيقول لاصحابو ((هادا حضري وبتفلسف علينا امشو نربي )))
وطبعا هادا كولو في الشارع
جابوا العصي وانواع الضرب ع السياره ع الرجال وصحاابوو
وجو النااس وفكفو بس بعد ايش
الرجال مااات (( الله يرحمه))
وصديقه في حاله غيبوبه
والاولاد في السجن
والحكومه لاتريد ان تنفذ القصاص لان الرجل مريض بالقلب وامكن مات قبل ان يضربو
والجثه الان في المشرحه المختبر
لانهم يردو التأكد انه مات هل عن طريق الضرب ام ان قلبه توقف

ماهذا ياجماااااااعه الخير هل هذا من صفات اسلامنا الحنيف
نحن في بلبد الرسول عليه الصلاه والسلام
ولماذا كل هذا الكره والتفرقه العنصريه
والنصيحه لوجه الله
لماذا كل ذلك لانه نصح!!!!!!!!!!!!!!!!!!!!!!!

لاعرف مااذا اقول
ولكن الله ع الناس الظالمه والله موجود
ولاحول ولا قوة الا بالله
الله يرحمك ياعمي ويعين ويصبر اهلك

دعواتي لكم
اختكم

من طرف *سوسو* الأحد ديسمبر 23, 2007 3:41 pm

مرحبا خيو
فعلا صرنا نشوف هادا الشي كتيير
وماله اي تفسير
غير انها الغرور الزايد بالنفس او القبيله
هوا اللي يسوي كدا
وهادي الحركات البايخه سوت فجوات كبيرة بين الناس
وحتى في العائله نفسها

مااقول غير الله يهديهم
ويكبر عقولهم

تقبل مروري

من طرف بائع الورد الجمعة ديسمبر 28, 2007 4:08 pm

يسلمووم حبااايبي على مروركمـ وأراائكمـ

يااارب وبالنسبه لقصة روعة المدينه ترا القصه دي أنشهرت في أغلب المدينه والله يرحمو إلا مات

وأعلى ماأعتقد لين دحين الأولاد ماسولهم شي لانهم زي مايقولو عيال قبايل

الله يحرقهم بس

واللهي موضوع مرررا ختيـــر
وانا اقول انو مرررا هباااله دي العنصريه
ومال اومها داعي زي دا كلاش وبازوكه وعبودي
مرررا اغبيـــــاء وحتى الكول اللي ردو عليهم
ومنجد دولو الاولاد يستاهلو انهم يتعاقبو وانا اتمنى انهم
ينجلو وحتى لو كانو اولاد قبايل اسلن اش يعني اولاد قبايل ؟؟!!
يعني دحين اولاد الرجال اللي موتو اش زنبهم يعيشو من غير ابو ؟؟
والله مررررا تفـــــــــــاهه

ويثلموو بايع عالموضوع

من طرف حبيب العمر الخميس فبراير 14, 2008 1:56 pm

الناس طلعت القمر واحنا يابدوي ياحضري انا ولد قبايل وانتا طرش بحر انا مدري ايش وانتا مدري ايش

((إن أكرمكم عند الله اتقاكم )) هذه الاية كنت اهجد فيها كل واحد يجي يتفلسف

عشان كذا الواحد يروح يعيش بالخارج مع النصارى واليهود والبوذيين احسن له لانهم ناس يقدروك ويحترموك يكفيك في اليابان ورغم انهم بوذيين وتشوفهم يسجدو لاصنام وانتا تضحك عليهم تقول في نفسك الخبلان يسجدو لصنم هذولي يحترموك ويقدروك كانسان رغم انهم كفار

والله حالتنا صارت غريبة وكل يمشي على ليلاه

من طرف sweet angel الثلاثاء مارس 18, 2008 4:06 pm

من جد الناس صاروا يتعاملو بدا الاسلوب ماكاننا عرب يخس على العرب........ الامم كلها تتطور وتتقدم واحنا بدا ماحنتطور ولا حنتقدم بكل شي متاخرين ...................... تقبلوا مروري Shocked

العنصريه))موضوع مهم ياريت كل واحد يدخل ويناقش

العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش

رد: العنصريه))موضوع مهم ياريت كل واحد يدخل ويناقش